Administración

Jarraian gaur eguerdian burututako KORRIKA TXIKIAren bideoa ikus dezakezue.

Tipi-tapa, tipi-tapa, KORRIKA!

LH4ko ikasleen ateraldia Polo Parkera

Kaixo familiak!
Astelehenean, hilak 11, 4. mailako ikasleak Polo Parkean izan ginen. Bertan, bide segurtasunaren inguruko hitzaldi bat jaso genuen lehendabizi (eskolan bide segurtasuna landu dugunez, kontatu zizkiguten gauza asko bagenekizkien). 
Ondoren, Polo Parkeko hirian murgildu ginen. Oinezko bezala ginkana bat egin genuen semaforo eta bide gurutze guztiekin adi ibilita. Gainera, txirrindula bateko gurpilak zein atal dituen eta nola montatzen den ikasi genuen. Txirrindula hartuta errepideetan barna ibili ginen trafiko seinaleak gora eta behera. Cars zirkuitoan kotxe gidari profesionalak bezala jardun genuen bueltaka, a ze martxa! 
Bisitarekin bukatzeko, suhiltzaileekin egon ginen eta haien lana hobeto ezagutzeko aukera izan genuen. Artista hutsak dira, aupa zuek!
Primerako goiza pasa genuen, oso dibertigarria izan zen! Hemendik aurrera, adi ibiliko gara Orkoiengo, Oltza Zendeako eta inguruko herrietako kale eta bideetatik nola zabiltzaten, beraz, kontuz ibili!
Besarkada handi bat,
4. mailako ikasleak

---

Montejurrako Mankomunitatean lan egiten duen ama baten bisita, LH3B gelan.

Aurrekoan ama baten bisita izan genuen, berak Montejurrako Mankomunitateko ur kudeaketaren arduradun bezala lan egiten duenez, bere lanbidean erabiltzen dituen babes tresnak, arropa … ekarri zizkigun. Gainera, tailer desberdinak egin genituen: uraren hiri zikloko letra zopa, planoak, neurgailuak… erabiliz. Bukatzeko, uraren edangarritasunaren esperimentua erakutsi zigun!!!

Izugarri ongi pasa genuen!!! 

Mila-mila esker Joana zure bisitarengatik eta nahi duzun arte!!!

---

Antton Kazabon idazlearen bisita 3. mailako ikasleei

---

Argitaletxe batean lan egiten duen aita baten bisita, 3. A mailan

Argitaletxe batean lan egiten duen aita bat etorri zitzaigun gelara eta liburuak eta koadernoak nola egiten dituzten azaldu zigun. Batzuk egin genituen ikasgelan eta oparitu egin zizkigun. Oso interesgarria izan zen. Mila esker!

4. mailako ikasleak, Naiara Egozkue Extremado, eskubaloi jokalari profesionalarekin

Gaurkoan Naiara Egozkue Extremado izan dugu eskolan. Naiara, eskubaloi jokalari profesionala izan da eta kirolaren inguruan eta bere ibilbidearen inguruan aritu zaigu, gero berarekin eskubaloian jolasteko aukera izan dugu ere. Atarrabiako Beti-Onak taldean hasi zen 10 urterekin jolasten eta 19 urterekin Itxako talde Nafarrak fitxatu zuen , 8 urte eta gero, Alemaniako Bayern Leverkusenen  jarraitu zuen  eta ondoren beste hainbat taldetan. Hainbat Champions irabazi zituen eta Mundu mailako finaletan ere egona da. Horretaz gain, Brasilgo Olinpiadetan jolastu zuen ere, diploma olinpikoa lortuz. Mila esker Naiara bisitagatik! 

---

Cooperative Olimpic games 4. mailan

Atzo 4. mailako ikasleek arlo ezberdinen arteko disziplinarteko jarduera burutu zuten “Cooperative Olimpic games”. Ikasitako guztia erakusteko eta elkarrekin disfrutatzeko, hirugarren mailako lagunak gonbidatu zituzten eta primeran pasa zuten goiza joku olinpiko kooperatiboekin. Musikan sortutako abestia abestu zuten, gorputz heziketan landutako jolasak eta inglesean landutako azalpenak lagunei erakutsi zizkieten. Horretaz gain beste arloetan landutako hiztegia landu zuten ere.

---

Ibilian-ibilian , Pedal Power 4. mailan

Gaur eskolako gurasoa den Neri, bisitan etorri zaigu. 

4. mailako ikasleak Ibilian – ibilian, Pedal Power , gaia lantzen ari dira, eta berak bizikletan Etiopiara  egindako bidaiaren inguruko argazkiak eta oso gauza bitxiak aipatu dizkigu. Ikasleak oso gustora entzun dute eta milaka galdera egin dizkiote. Oso aberasgarria izan da gaurko bisita!

---

“Auzalarko Paraolinpiadak” LH3-LH4

Pasaden astean zehar bukaera eman genion azkeneko proiektuari eta “Diziplinartekoa” landu genuen, “Auzalarko Paraolinpiadak” prestatzeko helburuarekin.

Ostegunean, Naiara Egozkuerekin egoteko aukera paregabea izan genuen. Naiarak, eskubaloiko jolakaria izanda, besteen artean sari hauek lortu zituen:

• Espainiako liga 4 aldiz, 2009, 2010, 2011 eta 2012an, Itxakorekin.
• Erregina Kopa 3 aldiz, 2010, 2011 eta 2012an.
• Espainiako Superkopa 3 aldiz, 2010, 2011 eta 2012an.
• EHF Kopa behin, 2009an. 2008an txapeldunordea izan zen.
• Zilarrezko domina Hungaria eta Kroaziako Europako Txapelketan (2014).

Horretaz gain Brasilgo olinpiadetan egoteko aukera izan zuen, bere taldeak 6. postua lortzen eta hori dela eta Diploma Olinpiko bat jasotzen. 

Ostiralean, gure paraolinpiadak hasi ziren. Horretarako 3. mailako kirolari guztiak gerturatu ondoren, ereserkia interpretatu genuen hasiera dotore bat emateko.

Jarraian, taldeka eta txandaka jolasten hasi ginen prestatutako sei jolas paraolinpikotan:

• Boccia
• Goalball
• Golf paraolinpikoa.
• Atletismo paraolinpikoa
• Saskibalio paraolinpikoa
• Volleyball eserita

 Ederki pasatu genuen denak elkarrekin jolasten eta paraolinpiakoak sentitzen.

——————————————————————————————————————–

Isterriakoekin/Isterriakoengandik ikasten LH4 (2022-6-6)

Gaitasun ezberdineko pertsonak lantzen ari ginela, Isterriakoek, gure eskolara etortzea eskaini ziguten, “Birziklapen eta hondakinei buruz” zenbait puntu azaltzeko. Gauza interesgarri asko modu bikain batean azaldu zizkiguten, eta gero, jolas batzuk egin genituen, ikasitakoa eta jakin genuena agerian uzteko. Bukatzeko, kartoizko zuhaitz batzuk oparitu zizkiguten hor ikasle bakoitzak bere konpromisoa (hondakinekin lotuta) idazteko eta itsasteko.
Asko ikasi genuen eta ez bakarrik birziklapenari buruz. Mila esker Isterriako jendeari esperientzia aberasgarri honetaz gozatzeko aukera emateagatik!!

——————————————————————————————————————–

Playing games LH4

——————————————————————————————————————–

Patxi Zubizarreta Auzalarren!

Pasa den martxoaren 22an 4. mailako ikasleok bisita berezia izan genuen. Patxi Zubizarreta idazlea etorri zen gure eskolara goiza pasatzera.

Tertulia dialogikoetan bere liburu bat  irakurri dugu azken aste hauetan gelan, “BAKARRIK ETA BUZTANGABE” izenekoa. Asko gustatu zaigu liburua eta genituen zalantzak martxoaren 22ko solasaldian Patxi Zubizarretarekin partekatu genituen. 

Gauza pila bat kontatu zizkigun: munduan zehar egindako bidaiak, idatzi dituen beste liburuen nondik norakoak, bere bizitzako anekdotak… Azken finean, idazleen sormen mundua hurbilagotik ikusteko aukera eman zigun. Guk galderak plazaratu genituen eta solasaldi berezia eta oso emankorra izan zen. Azkenik gure liburuak sinatuta poz-pozik bueltatu ginen gelara.

Mila esker Patxi, bueltatu nahi duzunean!!

---

“Ibilian-ibilian” diziplinarteko proiektua LH4

Otsailaren 14tik 18ra arte lehenengo diziplinarteko proiektua burutu dugu. Aste osoan  ikasgai guztiak helburu berarekin lantzen egon gara, turismo bulegoak sortzeko.

Gaztelanian, ingelesean, zientzian, gorputz hezkuntzan, euskaran, arlo guztiak lotu ditugu azken ekoizpena egiteko.

Horretaz gain, beste ekintza bereziak ere izan ditugu; hitzaldia eta ginkana. Hitzaldia Xabik eman zigun. Bera, bizikletarekin, Keniara joan zen eta izugarrizko bidaia egin zuen. Ginkana patinetez bost kontinenteetan zehar egin genuen. 

Aunitz disfrutatu genuen!!! 

KAIXO!
3 URTEKO A GELAN TENPEREKIN ESPERIMENTU BAT EGIN GENUEN:

1. MARGOA KUBITERAN BOTA GENUEN.

2. IZOZKAILUAN SARTU ETA BI EGUN UTZI GENUEN.

3. TATXAAN! GOGORRA ETA HOTZ-HOTZA ZEGOEN!

4. BERAIEKIN MARGOTU GENUEN.

4 urtekoak inauteriak prestatzen

Inauteriak heldu dira eta HH2koak prestaketetan gustora gabiltza!

---

3 urtekoak animaliak ezagutzen

HH1ekoek LH 2. mailakoen gonbitea jaso genuen eta animaliei buruz prestatu zituzten aurkezpenak entzutera joan ginen. Asko gozatu genuen eta gu ere animaliak deskribatzera animatu ginen!

---

5 urtekoen KANPALDIA Ollon

Maiatzaren 23 eta 24ean Ollon egon ginen. Bertan gau bat pasatu genuen. Ollon hainbat gauza egiteko aukera izan genuen: animali desberdinak ikusi genituen, ogia egiteko tailer bat izan genuen, mendi ibilaldi bat egin genuen, jolasak eta gaueko diskoteka. Primeran pasa genuen!  

---

Esperimentua tenperekin

3 urteko A gelan tenperekin esperimentu bat egin genuen:

1. Margoa kubiteran bota genuen.
2. Izozgailuan sartu eta 2 egunez utzi genuen.
3. Tatxaaan! Gogorra eta hotz-hotza zegoen!
4. Beraiekin margotu genuen.

---

MUNSTRO GUZTIAK BELDURGARRIAK DIRA?

3 urte B gelako ikasleek putz eginez margotu dugu. Ba al zenekiten posible dela?

Guk lortu dugu, baina nekagarria da, ez pentsa!

Ikus AURKEZPENA.

Martxoaren 8a, Emakumearen Nazioarteko Eguna, eskolan modu berezian landu dugu. Ikasle eta langileok arropa edo osagarri moreak jantzita etorri ginen eskolara egun horretan eta gelaz gela, aurreko egunetan egindako betaurreko moreek zertarako balio duten hausnartu dute (zuen seme-alabei galde diezaiekezue…). Horretaz gain, ikastetxeko ikasle eta langileok “txoko morea” osatu genuen. Alde batetik, gaiarekin zerikusia duten liburuak erakusgai daude bertan eta bestetik, betaurreko moreak jantzita argazkiak egin genituen bertan jartzeko.

Begira ze polita geratu den Auzalarreko txoko morea (eta taldeko argazkiak)!

LH2Bko ikasleak Nafarroako liburutegian

Aurreko ostegunean LH2B-ko ikasleak Nafarroako Liburutegira joan ginen Billabesa hartuta, oso esperientzia polita izan zen eta asko ikasi genuen. Hamaiketakoa parkean jan genuen eta jolasteko denbora apur bat ere izan genuen.

LACTURALEKO BISITA
Ostiralean, LHko 1.mailakoek , goiz zoragarria pasatu genuen Lacturalen. Aialak gauza interesgarri pila kontatu zizkigun eta txekorrak eskolan, institutoan… ikusi genituen. Irtaeerari bukaera emateko, Itxasperri baselizaren ondoan dagoen parkean, asko disfrutatu genuen. 

LH2KO XUXURLARIAK

Aste honetan, Lehen Hezkuntzako bigarren mailakoak, gure xuxurlariak patiora atera ditugu eskolako beste ikasleei gure ahokorapiloak, asmakizunak, ipuinak, haikuak… oparitzera. 

Asko gozatu eta disfrutatu dugu!!

PIRATEN ETXEKO KANPALDIA

LH 2. mailako ikasleak maiatzaren 11-12an Pasai Donibaneko Piraten Etxean egon ziren eta han egindako ekintzen argazkiak ikusteko aukera duzue. Primeran pasa genuen!

——————————————————————————————————————–

APOKALIPSI ZONBI PROIEKTUA LH1

Urtarrilaren bukaeran, Uharteko Garaikide Zentroarekin “Apokalipsi Zonbi” izeneko proiektuan murgildu ginen Mikel Barberia eta Itsaso Etxeberria artisten laguntzarekin.

Bi egunez, Mikel  gure eskolara etorri zen eta igeltso eta beste materialekin esperimentatu genuen.

Ondoren, Uharte Zentrora  hurbildu ginen eta Itsasorekin primeran pasatu genuen zonbi beldurgarrietan bilakatuz eta gure gorputzekin jolastuz. Oso dibertigarria izan zen!!

Kaixo, familiak:

Hemen dituzue gaurko jaialdiko ikuskizunak mailaka.

Zuen gustokoak izatea espero dugu!