Kaixo, familiak:
Jarraian ikasturte amaierako jaiaren eta 6. mailako ikasleei egindako agurraren irudiak dituzue. Ikasleek egindako sanferminetako pankartak eta 6. mailako ikasleek egindako dantzak zuen gustokoak izatea espero dugu.
Uda ona pasa!
LH6A ikasleen dantza
LH6B ikasleen dantza
Kaixo, familiak:
Iragan ostiralean, ekainak 13, Auzalar Kantuzen 3. edizioa ospatu genuen eta patioaren ondoren, ondorengo abestiak kantatu genituen. Animatu etxean ere abestera!
Marmoka (Pirritx, Porrotx eta Marimotots)
Txanpon baten truke (Alaitz eta Maider)
Lau korapilo (Süne)
Kaixo, familiak:
Bihar, maiatzak 17, ospatuko den Homofobia, Transfobia eta Bifobiaren aurkako Nazioarteko Egunarekin bat eginez, gaia ikasgeletan landu da eta gela bakoitzak sortu duen oihal zatiarekin, beheko argazkietan ikus dezakezuen mural koloretsua osatu da.
Kaixo, familiak:
Dakizuen bezala, gaur EUSKARALDIARI hasiera eman zaio eta Auzalarren ere, euskararen erabilera sustatzeko, ekimenarekin bat egin nahi izan dugu.
Ekimenari hasiera emateko, gaur patioaren ondoren, denok batera, Euskaraldiko abestia dantzatu dugu.
Horretaz gain, euskararekiko konpromisoa hartzeko, gela bakoitzeko ordezkari bana izendatu da eta eskolako ikasle xaxatzaileen hamaikakoa osatu da.
Zuek ere, euskaraldian parte hartzera animatzen zaituztegu! Eman izena; aukeratu zuen rola, ahobizi edo belarriprest eta jantzi txapa 11 egun hauetan! Elkar mugituz, egingo dugu!
Kaixo, familiak:
Jarraian, asteazkenean ospatutako Liburuaren Eguneko argazkiak ikus ditzakezue. Mila mila esker jarduera posible egin zenuten boluntarioei!!
Kaixo, familiak:
Dakizuen bezala, 4. mailako ikasleek irabazitako sariari esker, gaur eguerdian, Eskola Jazarpenaren Aurkako Nazioarteko Egunarekin bat eginez, Lehen Hezkuntzako ikasleek Tdiferencia antzerki konpainiaren eskutik, Burua Txoriz beteta antzezlana ikusteko aukera izan dute.
Liriak eta Wadak abenturaz eta bidaiaz betetako istorio bizia partekatuko dute. Magia, barrea, emozioa eta intriga izango ditugu lagun bi pertsonaia hauen bidaian.
Pobrezia, gosea eta herrialdeen arteko desberdintasuna ez ezkutatzea, generoen, azal kolorearen, erlijioaren arabera bereizten ez duen mundu inklusibo batean bizi ahal izateko beharra… Funtsezkoa da. Baita neskatoak ahalduntzen dituen eta emakumeak mugatzen ez dituen mundu bat egotea ere. Mundu justuagoa eta jasangarriagoa, non ura, basoak, animaliak eta baliabideak mundu hobea bilatzeko gida gisa erabiltzeko adinako garrantzia duten.
Belaunaldi berriek gozatuko duten etorkizunerantz aske hegan egiten duten txoriz beteta daukagu burua. Ireki ditzagun ateak hori gerta dadin.
Wadak Albanesen ‘Liria’ “askatasuna” esan nahi duela eta Liriak ‘Wada’ Somalian “elkarrekin” dela deskubritzen dutenean, bidea errazagoa izango da.
IRAUPENA: 60 min
ANTZEZLEAK: AINHOA RUIZ, IBAN ALGUEA
ZUZENDARIA: MAITE REDIN
IDAZLEA: MAITE REDIN
ITZULPENA: AINHOA RUIZ
BANAKETA: Tdiferencia S. Coop.
HIZKUNTZA: Euskara
Kaixo, familiak:
Tdiferencia IV. literatur lehiaketan 4.mailako ikasleak irabazleak izan dira “Ama, hauxe da” ipuinarengatik. Zorionak!
Erabakia hartzeko orduan, epaimahaiak proposamenaren sormena, kontakizunaren kalitatea eta idazteko modua eta estiloa baloratu ditu. Halaber, horrelako ekimenetan irakasleen inplikazioa nabarmendu eta eskertu nahi izan dute, ikasleen artean adierazpen artistikoa eta sentsibilitate literarioa sustatzen baitute.
Ikastetxe irabazlea izanik, diploma bat eta Burua txoriz beteta antzezlana ikusteko aukera izango dute Lehen Hezkuntzako ikasleek, maiatzaren 2an, Eskola Jazarpenaren Aurkako Nazioarteko Egunean.
AMA, HAUXE DA saritutako ipuina
Helbidea: Gaztelumendi kalea zg.
31160 Orkoien Nafarroa
Telefonoa: 948 326 732
Emaila: auzalarip@educacion.navarra.es
