Administración

Nafarroako Gobernuko Bakearen, Bizikidetzaren eta Giza Eskubideen Zerbitzuak eskainita, ESKOLARA BIDEAK erakusketa bi astez, urtarrilaren 30etik otsailaren 10era, eskolako Lehen Hezkuntzako pasabideetan ikusgai egonen da.

Erakusketa honek hamar fotokazetariren lanak eskaintzen ditu eta bertan, mundu osoko haur askorentzat egunero eskolara iristeak dakartzan erronka larriak deskribatzen dira: mendiak, basamortuak, ibaiak, ur izoztuak, gatazka armatuak dauden lekuak edo auzo arriskutsuak zeharkatu behar dituzte, hezkuntzaren bitartez bizitza hobea lortuko duten uste sendoarekin. Itxaropenei eta oztopoak gainditzeko gogoei buruzko istorio errealak dira, egunero eskolara iristeko egin behar duten ibilbidean oinarrituak.

Erakusketa honetarako aukeratutako irudiek lurralde hauetako hamar istorio kontatzen dituzte: Alaska, Brasil, Burkina Faso, Ameriketako Estatu Batuak, Frantzia, Kenya, Libia, Nigeria eta Thailandia. Istorioak hiru kategoriatan banatzen dira: “Distantzia luzea”, “Ingurune zaila” eta “Diskriminazioa”.

Geletan gaia landuko den arren, zuen seme-alabekin batera, erakusketa ikustera animatzen zaituztegu.

Urtarrilaren 20a izanik, Jaione, musikako irakaslearen ekimenez, eskolan danborrada ospatu dugu. Patioaren ondotik, ikasleek beraien danborrak hartu eta denon artean bi abesti jo dituzte: Donostiako martxa eta martxa “de las viejas” delakoa. Ondoko bideo eta argazkietan ikus dezakezue.

Beheko argazkietan ikus dezakezuen bezala, Orkoiengo Udalak emandako laguntzari esker, neguko oporretatik bueltan, Lehen Hezkuntzako ikasleek patioan jolaserako egitura berria estreinatu dute.

Ondoko bideoan gaurko jaialdiaren argazki sorta ikusgai duzue. Zuen gustokoa izatea espero dugu! Neguko oporretaz disfrutatu!

Azaroaren 18tik abenduaren 2ra iraun duen EUSKARALDIAren edizio berriarekin batera, AUZALAR ikastetxean gaia landu dugu.

AUZA eta LAR, ikastetxeko maskotak, Euskaraldiaren berri emateko, gelaz gela igaro ziren eta ikasleekin talde argazkiak egin zituzten. Ondoren, gela bakoitzak bere leloa pentsatu zuen eta denon artean, eskolako sarreran horma-irudi ederra osatu zuten. Zikloka, gainera, ekimen honi buruzko komikiak eta ipuinak irakurri ziren, aurtengo abestiaren letra landu zen, etab. Ikusi, ikusi, argazkiak…

Egun hauetan, bestetik, sarrera eta irteeretan EUSKARALDIKO abestia entzungai izan dugu:

Eta behin Euskaraldia amaituta, hizkuntza ohiturak astintzen eta hitzez ekiten jarraituko dugu!

Azaroaren 25ean, Emakumeen Kontrako Indarkeriaren aurkako Nazioarteko egunean, ikasleek gelan gaia landu eta beheko argazkietan ikus dezakezuen bezala, txoko morea apaindu zuten. Gelaz gela, honako mezuak jarri zituzten:

• Askeak, tximeletak bezala
• Neskak bakean utzi, denak askatasunez bizi
• Aske izan nahi dugu, kalean eta etxean
• Maitatu eta zaindu
• Tratu onen egunean, zaindu jendea eta mundua!
• Bat, bi, hiru, indarkeria kanpora!
• Lagunak zaindu
• Jolastu elkarrekin eta laztandu
• Elkarrekin jolasten gozatzen dugu!
• Guztiok eskubide berdinak ditugu
• Inor ez da besteak baino hobea!
• Gu 5.B eraso sexisten aurka ere!
• Ez du balio EZ esatea, balio duena EZ egitea da. Mina barrutik eta kanpotik dago, geldi behar dugu. Guk libre sentitu nahi dugu, EZ ausartak. EZ da EZ, biolentzia ez da normala.
• Emakumeen tratu txarren aurka, STOP tratu txarrak
• Ez gaizki tratatu eta egin tratu
• Emakumeak aske dira

Gaur goizean ikasleek Orkoiengo Berdintasun Zerbitzuak antolatutako jarduera ezberdinez disfrutatu ahal izan dute:

Lehen Hezkuntzakoek Orkoiengo Gizarte Etxean “Kalean otso, etxean uso” antzezlana ikusi dute, patata tropikala antzerki laborategiaren eskutik.

Eta haur hezkuntzako ikasleek, bi saio ezberdinetan, alde batetik 3 eta 4 urtekoak eta bestetik 5 urtekoak, “Araitz eta tulipa” ipuin saioa izan dute, Juan Luis Napal ipuin kontalariaren eskutik.