Administración

Aurreko astean, Emakumeenganako Indarkeriaren aurkako Nazioarteko Egunaren harira, eskolan TRATU ONEN ASTEA ospatu zen eta ZAINTZA ardatz hartuta, hainbat jarduera burutu ziren.

Gelaz gela zaintzaren inguruko hausnarketa bat egin zen genero ikuspuntutik eta zaintzaz arduratzen diren mutil-gizon ereduak landu ziren.

Ikasleek etxean edo kalean ikusten dutenari buruz hausnartu zuten: nor arduratzen da zaintzaz? Nor zaintzen duzue zuek? Zer da zaintzea? …

Familiek ekarritako argazkiekin gainera, non zaintzaren ardura duten eredu maskulinoak agertzen diren, bihotz erraldoiak osatu ziren mailaka eta sarrera nagusian kokatu ziren. Ikus beheko argazkia.

Horretaz gain, Lehen Hezkuntzako 2. mailako ikasleek, ostegunean Orkoiengo berdintasun zerbitzuak gaiarekin lotuta antolatutako ipuin kontalaria izan zuten eta ikasle guztiek astean zehar, Ruper Ordorikaren “Zaindu maite duzun hori” kanta megafonian entzuteko aukera izan zuten. 

Indarkeria Matxistarik gabeko bizitzak nahi ditugulako, ZAINDU MAITE DUZUN HORI!

Guraso Elkarteari esker, aurten berriz ere, udazkenero bezala, gaztainaren eguna ospatu dugu eta ikasleek hamaiketako berezia izan dute: gaztaina erreak. Mila esker!

Haurren aurrean helduok heldu, Euskaltzaleen Topaguneak sustatuta, guraso eta bestelako hezitzaileen arteko, hau da, HELDUEN ARTEKO,  hizkuntza-praktikak aldatzeko eta euskara gehiago erabiltzeko aktibazio ekimena da.

Ikastetxeko euskara batzordeak ekimena ezagutzera emateko sentsibilizazio kanpaina txiki bat burutu du eta besteak beste, behean ikus ditzakezuen kartelak ikastetxeko toki ezberdinetan kokatu dituzte.

Hezitzaile eta gurasoen arteko euskararen erabileran eragiteko eta umeekiko hizkuntza eredugarritasuna bultzatzeko kanpaina, urriaren 19tik 29ra luzatuko da.

Guraso euskaldunen artean euskaraz egitera animatzen zaituztegu eta ez dakiten gurasoei ezagutzen dituzten hitzak euskaraz esatera eta hitz berriak ikastera animatzen ditugu. Beheko irudian adibideak dituzue. Animo eta haurren aurrean helduok heldu!

Beheko argazkietan ikus dezakezuen bezala, aterpea haizetik eta euritik babesteko egin duten obra orain dela 2 aste amaitu zuten eta dagoeneko bai jolasorduetan bai gorputz hezkuntzako klaseak emateko garaian, baldintzak hobeak izanen dira.

Kaixo, familiak:

Hurrengo bideoan, ikasturte amaierako festaren argazki batzuk eta seigarren mailako ikasleei gaur goizean egindako agurra ikus ditzakezue. Zuen gustokoa izatea espero dugu.

Agur bero bat eta uda ona pasa!