Administración

Kaixo, familia:

Honekin batera Orkoienen dagoen eta D eredukoa (euskaraz) den gure ikastetxe publikoko aurkezpen-bideoa ikus dezakezue, gure instalazioei, hezkuntza-programei eta gure ikasleei eskaintzen diegun giroari buruz gehiago jakiteko.

Aurrematrikula garaia heldu da, eta espero dugu bideo honek lagunduko dizula erabaki informatu bat hartzen. Galderaren bat baduzu edo informazio gehiago behar baduzu, jar zaitez gurekin harremanetan.

Eskerrik asko zuen interesagatik. Laster elkar ikustea espero dugu!

Kaixo, familiak:

Zuek ekarritako liburuekin, sarrera nagusian ipuin txokoa antolatu dugu dagoeneko.

Beheko argazkian ikus dezakezuen bezala, ikasleek ilusio handiz hartu dute.

Mila esker zuen laguntzagatik!

Kaixo, familiak:

Baietz Guraso Elkarteari esker, jantokiko jolasorduan, jolaserako material berria izanen dute lehen hezkuntzako patioan dauden ikasleek. Besteak beste, boomerangak, hondartzako palak, mahai jokoak, saskibaloi pilotak, diaboloak, sokak, indiakak, petanka, pilota txikiak…

Beheko argazkietan ikus dezakezuen bezala, askotariko jolasak daude eta ikasleek ilusio handiz estreinatu dituzte. Mila esker, Baietz Guraso Elkartea!

Jolaserako materialaz gain, jantokiko monitoreek proposatuta, ikasleek jarduera ezberdinak egiteko aukera dute.

Kaixo, familiak:

Hemen dituzue Agate Deuna bezperako ospakizunaren argazki batzuk. Beteak beste, Ostadar haur eskolan, Orkoiengo Gizarte Etxean eta San Miguel ikastetxean ibili gara kantuan. Ikus dezakezuenez, oso goiz atsegina eta eguzkitsua izan dugu udaberria esnatzeko.

Oles, oles, lurra esna zaiteeeez!

Beheko bideoan Auzalarko Lehen Hezkuntzako 2. mailatik 6. maila arteko ikasleek neguko jaialdirako prestatutako Auzalarko errebeldeak abestiaren grabaketa nola joan zen ikus dezakezue.

Letra eta koreografia 4. eta 6. mailakoek asmatu zuten eta ikasle guztiek abestia ikasteko aukera izan zezaten, piktogramak ere prestatu ziren. Asier Fernandez, musika irakasleak koordinatutako proiektua izan da.

Abestiaren kontura, bestetik, Euskalerria irratiko Metropoli Forala saioan, ikastetxeko zuzendariari, Maider Albenizi, egindako elkarrizketa ondoko estekan entzungai duzue: ALBISTEA

Neguko oporretan Osasuna Fundazioaren eskolarteko futbol txapelketa ospatu da eta Auzalar IPko Lehen Hezkuntzako 3. maila eta 6. maila bitarteko ikasleek osatutako hiru taldek parte hartu dute.
Nabarmentzeko da AUZALAR IP-ri eman diotela bigarren aldiz kiroltasunaren saria. Zorionak ekipo!

Gaur Mari Jose gure orientatzaile maitea jubilatu egin da. Hona hemen lankideok egindako omenaldi txikia. Eskerrik asko egin duzun lan guztia eta inplikazioarengatik. Bejondeizula!