Administración

Kaixo, familiak:

Dakizuen bezala, 4. mailako ikasleek irabazitako sariari esker, gaur eguerdian, Eskola Jazarpenaren Aurkako Nazioarteko Egunarekin bat eginez, Lehen Hezkuntzako ikasleek Tdiferencia antzerki konpainiaren eskutik, Burua Txoriz beteta antzezlana ikusteko aukera izan dute.

Liriak eta Wadak abenturaz eta bidaiaz betetako istorio bizia partekatuko dute. Magia, barrea, emozioa eta intriga izango ditugu lagun bi pertsonaia hauen bidaian.

Pobrezia, gosea eta herrialdeen arteko desberdintasuna ez ezkutatzea, generoen, azal kolorearen, erlijioaren arabera bereizten ez duen mundu inklusibo batean bizi ahal izateko beharra… Funtsezkoa da. Baita neskatoak ahalduntzen dituen eta emakumeak mugatzen ez dituen mundu bat egotea ere. Mundu justuagoa eta jasangarriagoa, non ura, basoak, animaliak eta baliabideak mundu hobea bilatzeko gida gisa erabiltzeko adinako garrantzia duten.

Belaunaldi berriek gozatuko duten etorkizunerantz aske hegan egiten duten txoriz beteta daukagu burua. Ireki ditzagun ateak hori gerta dadin.

Wadak Albanesen ‘Liria’ “askatasuna” esan nahi duela eta Liriak ‘Wada’ Somalian “elkarrekin” dela deskubritzen dutenean, bidea errazagoa izango da.

IRAUPENA: 60 min

ANTZEZLEAK: AINHOA RUIZ, IBAN ALGUEA

ZUZENDARIA: MAITE REDIN

IDAZLEA: MAITE REDIN

ITZULPENA: AINHOA RUIZ

BANAKETA: Tdiferencia S. Coop.

HIZKUNTZA: Euskara

Kaixo, familiak:

Tdiferencia IV. literatur lehiaketan 4.mailako ikasleak irabazleak izan dira “Ama, hauxe da” ipuinarengatik. Zorionak!

Erabakia hartzeko orduan, epaimahaiak proposamenaren sormena, kontakizunaren kalitatea eta idazteko modua eta estiloa baloratu ditu. Halaber, horrelako ekimenetan irakasleen inplikazioa nabarmendu eta eskertu nahi izan dute, ikasleen artean adierazpen artistikoa eta sentsibilitate literarioa sustatzen baitute. 

Ikastetxe irabazlea izanik, diploma bat eta Burua txoriz beteta antzezlana ikusteko aukera izango dute Lehen Hezkuntzako ikasleek, maiatzaren 2an, Eskola Jazarpenaren Aurkako Nazioarteko Egunean. 

 AMA, HAUXE DA saritutako ipuina

Kaixo, familiak:

Gaur eguerdian AUZALAR KANTUZ II ospatu dugu eta egitarau oparoa izan dugu: jolasak mintzalagunekin, euskaraldiko abestiaren dantza eta denok elkarrekin patioan abestu dugu.

Hauek izan dira aukeratutako abestiak:

Pozik bazaude (Ene Kantak) // Itsasontzi baten (Kaxiano)

Aralarko dama (Zetak) // Gure bihotzaren taupadak_Euskaraldia 2025 (Bulego)

Kaixo, familiak:

Beheko argazkietan ikus dezakezuen bezala, Auzalarren inauteri giroan murgildurik gaude. Geletan mozorroak prestatzen ari dira.

Aurten herri inauteriak ospatuko ditugu eta besteak beste, Etxauriko Gerexipot protagonista izanen dugu. Baita Ituren eta Zubietako joaldunak, Altsasuko momotxorroak eta sorginak, Lantzeko txatxoak, Unanuko mamoxarroak, Luzaideko bolantak, Lizarrako palokiak…